“With the advent of unitary urbanism, present city planning (that geology of lies) will be replaced by a technique for defending the permanently threatened conditions of freedom, and individuals — who do not yet exist as such — will begin freely constructing their own history.”

- Internationale Situationniste #6 ( Paris 1961)

ALAS SINGKO ng madaling araw ng Miyerkules sa Sitio Masagana- bahagi ng Bicutan, sinalubong ng mga maralitang taga-lungsod ang bukang liwayway ng paglalagay ng Barikada sa East Service Road ng Luzon Expressway. Tulad ng kanilang mga tahanan na nilikha mula sa tira-tirang retaso ng nabubulok na bahagi ng Kapitalistang industriyalismo, ang barikada ay naging simbolo ng maralita sa muling pag-angkin ng kanilang pamumuhay laban sa kalupitan ng post-modernong kaayusan ng Kapitalismo. Sa isang iglap nalikha ang ispontanyong arkitektura mula sa pagwasak sa kasalukuyang kondisyon.

(more…)

ni Rhado 

ILANG MILYONG mahihirap na tao ang walang makain, walang tahanan, walang trabaho, ilang milyong tao ang namamatay sa ibat ibang uri ng sakit, at ang pinaka masaklap ilang milyong tao ang namamatay dahil sa kagutuman. Ito ay ang mga taong mahihirap na halos araw araw natin nakikita san man tayo mag punta!! Sa mga lansangan, sa mga abandunadong lugar, sa mga squtters area, sa ilang lugar sa mga probinsya at ilang lugar sa siyudad…

Hindi naman nila naging kasalanan na ipinanganak silang mahirap diba?

(more…)

ni Jong 
 
SA KASAYSAYAN ng panlipunang rebolusyon, hindi na bago ang mga partikular na sitwasyon sa usapin ng kontribusyon ng dayuhan (migrante o taga-labas) sa panlipunang transpormasyon ng partikular na bansa. Isang halimbawa dito ang karanasang Digmaang Sibil sa Espanya (1936); mula sa pinaghalong pwersa ng International Brigades (ibat-ibang nasyunalidad, etnisidad at kultura na boluntaryong sumapi sa gera laban sa Pasismo) at lokal na organisasyong masa ng Espanya ay radikal na nabago ang lipunang Espanyol. Dito natapos ang absolutong monarkiya, diktaduryang militar hanggang sa pagbubukas ng panibagong yugto ng nagsasariling rehiyon sa ilalim ng pederalistang kaayusan.

(more…)

ANG AKLAS ay isang pahayagang anarkista (dyaryo) na naglalayong maglathala ng mga napapanahong isyu na nakakaapekto sa Ekolohiya, Katutubo, Lokal at Pandaigdigang Komunidad ng tao sa ilalim ng Kapitalistang panggigipit. Ito ay naglalaman din ng Anarkistang analisis, opinyon at tindig sa pang-araw araw na kaganapan sa Pilipinas at buong mundo. Ang mga nabanggit na sumusunod ay kabuuhan ng pangkalahatang layunin ng AKLAS sa pagpapapularisa ng Politika, Praktika at Pilosopiya ng Anarkismo sa bansa.

Maglalabas ng kauna-unahang imprenta ang pahayagan matapos itong makalikom ng sapat na mga naikontribyut na artikulo mula sa inyo. Sa wikang Tagalog o anumang wika sa Pilipino po lamang ilalathala ang dyaryo. Kaya huwag nang mag-atubiling makibahagi at makilahok sa pagsusulat ng ating kasaysayan. 

Makipag-ugnayan sa aklaskilusan[at]yahoo.com at mag-iwan ng mensahe ng paglahok kung nais nyong maging bahagi sa kauna-unahang Editoryal kolektib. Paalala: Hindi po pahayagan ng partikular na organisasyon ang AKLAS, bagkus isa itong uri ng proyekto na nakadepende lamang mula sa inyong boluntarismo.

MURRAY Bookchin, Libertaryang Anarkista at kilalang Ekolohista, pumanaw sa edad na 85.

Ang manunulat at aktibisitang si Murray Bookchin, tanyag bilang ama ng Social Ecology- panibagong pilosopiya sa larangan ng Libertaryang Sosyalismo, ay pumanaw Linggo ng Umaga, July 30th sa kanyang tahanan sa Burlington, Vermont. Si Bookchin, ang may akda ng dalawang dozena na libro ukol sa Politika, Pilosopiya, Kasaysayan at Ekolohiya ay importanteng bahagi ng pandaigdigang kilusan laban sa Kapitalismo at Awtoritaryanismo.

Ayon sa maikling biography niya sa Wikipedia.org, isa si Bookchin sa nagpapularisa ng kahalagahan ng Ekolohiya bilang napapanahong konsepto sa radikal na pulitika matapos nyang mailathala noong dekada 60’s ang "Ecology and Revolutionary Thought". Naging mahalagang impluwensya din sya sa pagpapaunlad ng Anarkistang Praktika mula sa kanyang mga teoretikal na akda hinggil sa Libertarian Municipalism na sya namang pinaniniwalaang may malaking ambag sa pagdebelop ng Green Movement at Anti-Capitalist Direct Action Groups.

Pumanaw si Murray Bookchin matapos ma-diagnosed ng ilang beses nitong mga nakaraang buwan sa sakit na Fatal Heart Failure.